| |||||||
|
|
قصيدة : "عراقي اني" ****** ******
عراقي آني للشاعر: عباس جيجان
انطيني من وقتك ثواني ما أكـَـلك آني وآني شاعر من أهل العراق عربي وأصلي عدناني قريشي ومن نسل قحطان ِ
****** ******
لا تركي ولا مدغوش بأفغاني لك الزمان ابيوم ذر الناس الزمان عليك ذرّاني وأخذ يردف علي ضرباته باليافوخ لحد ما حيل خَوّاني لكن بي َ طبع ما طيح روح اسأل عليّ وشهودي عدواني مو انسان يحجي وياك جرح يمشي على طوله وشمعه بصواني ما عندي لجوء ايجتف الانسان ولا مربوط بلساني وك استاتس عندي من عمان وسياسي... كوفي عنان سمّاني عراقي آني
****** ******
عراقي آني
من زاخو لحد الفاو عنواني دجله أمي.. ..وأبوي اسمه الفرات وليلي مرجاني عمت عين الزمان اشلون ذبّاني ولو حز ابضميري الجوع بس ما غير ألواني إيخسه التاريخ إذا مو باول أحروفه يحط اسم العراق ويشطب الثاني عراقي آني
****** ******
عراقي آني
إلي بقلبي على لساني آنه الماصحت يوم أحاه وعلى امتوني تكطع صوت سجاني وأظن ما قصريت أوياه أخويه الجان ينخاني يِأَشِّر بيده من ابعيد جديم الكـَـوم يلكـَاني عطش مره... شلت نهر الفرات وجيت وشفت دجله على الجولان يتناني عراقي آنه واليبيعن سكاير على الرصيف اليوم نسواني والماتوا بحسرة علبة حليب اطفال هذوله أطفال خُوّاني عراقي اني عراقي اني عراقي اني ****** ******
ارسلت (منقولة")من احد اصدقاء الموقع بالبريد الالكتروني
|
|||||
|
|
|||||||
